Thibaut Coutois me transferimin e tij te Real Madrid ka trazuar disi situatën brenda në ekip. Ai u la fillimisht në stol, ndërsa tani siç duket është titullar i padiskutueshëm tek klubi madrilen. Por të njëjtin mendim nuk ka rivali i tij për vendin e titullarit, Keylor Navas.
Siç shkruan Don Balon, portieri nga Kosta Rika, është shprehur se trajneri Lopetegui nuk po e merr parasysh edhe pse ai po punon më shumë se Courtois.
Florentino Perez pagoi 35 milionë euro për belgun, ndërsa ka pak mundësi që Navas të preferohet para tij.
Ky i dyti kërkon të luajë në La Liga dhe Kupën e Spanjës, kushte të cilat ua ka paraqitur edhe drejtuesve të klubit. Nëse këto kushte të tij nuk plotësohen, lojtari me shumë mundësi do të largohet në merkaton e Janarit.
