Kryetari i bashkisë së Krujës Artur Bushi ka përfunduar dëshminë e tij në prokurorinë e Krimeve të Rënda për rastin “Xhisiela”.
Bushi është në mesin e personave të përmendur nga oficeri Emiljano Nuhu se ishte i pranishëm në komisariatin e policisë në Fushë Krujë kur ai u kërcënua me jetë për rastine Xhisiela Malokut.
Pas daljes nga prokuroria Artur Bushi mohoi në mënyrë kategorike të ketë qenë i pranishëm atë ditë ditë në komisariatin e Fushë-Krujës.
I pyetur nga gazetarja e Fax News sesi do ta vërtetojë këtë, ai u përgjigj se mund të vërtetohet lehtësisht nga tabulatet telefonike.
“Në mënyrë kategorike nuk kam qenë. Kjo mund të vërtetohet lehtësisht nga tabulatet telefonike. Ka prova, ka dëshmitarë që kanë qenë prezent brenda në komisariat atë ditë.” –tha Bushi.
