Deputetja e PD-së, Grida Duma ka komentuar deklaratën e kreut të AKEP se institucioni që ai drejton nuk synon të kërcënojë mediat online, pasi nëse do ishte ky qëllimi do të mjaftonte zbatimi i ligjit.
Përmes një postimi në Facebook, ajo shkruan: Në reagim Drejtori i AKEP deklaron që nuk e kanë qëllim të kërcënojnë mediat se: “..po ta kishin qëllim do të mjaftonte zbatimi i ligjit”; pra AKEP mashtron, shantazhon publikisht mediat dhe në fund vetëdeklaron që nuk ka zbatuar as ligjin. . Po pse nuk i ka mbyllur nëse kështu e kërkon ligji?! Përse sakrifikojnë të shkelin ligjin zyrtarët e AKEP? Ka vetëm një arsye që i jep përgjigjë; sepse i vlejnë më shumë ti kenë të shantazhueshëm! Për më shumë se 5 vjet AKEP nuk paska zbatuar ligjin dhe tani nis raprezaljen e formalizimit sapo Kryeministri po i tund mediave ligjin e censurës. Është e qartë, Kryeministri dikton ata turren në raprezalje. Është rrjedhimisht e pranuar që po veprojnë si Policia e Mendimit të Ramës”
“Por a është vetë AKEP një shpifës që paguhet nga taksat e shqiptarëve?! A ka shpifje më të pastër se të kesh dokumentat e portaleve por të botosh listën e portaleve të “pa formalizuara” duke i lincuar dhe dëmtuar publikisht vetëm për të bërë policin e Ramës.
A quhet kërcënim të linçosh dhe nxjerrësh fletërrufe publike për portalet pa i dërguar shkresë zyrtare secilit, ndërkohë që shumica paraqitën dokumentat e formalizimit.
AKEP-i që vetëdeklaron që nuk ka bërë punën prej vitesh dhe se nuk I shërben ligjit por Ramës paska dhe fuqi t’i tregojë opozitës se si të bëjë punën!
Askush dhe për asnjë arsye nuk do amnistohet me iluzionin se ka mbrojtje politike. AKEP do të mbajë përgjegjësi si polici e paligjshme e mendimit dhe si shantazhese de fakto e fajlës së lirë”, shton ligjëvënësja demokrate.
