E pyetur nga ‘Panorama’, Vjollca Koxha mohoi që i shoqi të ketë qenë një person i dhunshëm, por sipas saj është provokuar nga punonjësit e bashkisë, të cilët siç thekson ajo, i kanë gjuajtur me shishe birre.
“Kemi 30 vjet bashkë dhe s’më ka dhunuar një herë. Nuk e di kush i thotë këto që ka qenë i dhunshëm dhe problematik në fshat. Ditën kur ndodhi ngjarja nuk kam qenë në shtëpi, por kam dëgjuar nga banorët e fshatit se viktimat e kishin gjuajtur Kujtimin me shishe birre, ndaj ka reaguar në këtë mënyrë se du duar për një kokë janë”, u shpreh Vjollca, e cila tha se nuk do ta braktisë të shoqin, pavarësisht krimit të rëndë.
