Shefja e ONM-së, Genoveva Ruiz Calavera i ka bërë thirrje prokurorëve shqiptarë pranë Gjykatave të Apelit që të kandidojnë për Këshillin e Lartë të Prokurorisë. Thirrja është bërë në profilin e saj zyrtar në Twitter.
“Shfrytëzojeni mundësinë dhe aplikoni për pozicionet në Këshillin e Lartë të Prokurorisë. Këshilli luan një rol kyç,- shkruan Calavera, – për sistemin e drejtësisë në Shqipëri dhe në integrimin europian të vendit.”
Prokurorët kanë hezituar për t’u bërë pjesë e Këshillit të Lartë të Prokurorisë dhe afati prej 15 ditësh i vendosur nga kryeprokurorja Arta Marku ka skaduar. Dyshimi se prokurorët nuk do të duan të kandidojnë ka detyruar Markun pas rihapjes së garës, njoftimi t’i dërgohet me email çdo prokurori.
