Nga Sali Berisha
Ekspertiza britanike zhvesh cullak Kallam Dështakun. Provon si supertrafikant Geron Xhafën!
Ajo fakton:
1- Zëri i materialit të regjistrimit është i ngjashëm me zërin e supermafiozit qeveritar Agron/Geron Xhafa.
2- Zëri i materialit të bisedës midis Geron Xhafës dhe Albert Veliut nuk ngjason me zërin e aktorit Fredi Alizoti, por me atë të Agron Xhafës!
3 – Kallam Dështaku ka dërguar në Britaninë e Madhe, jo materialin origjinal të bisedës së regjistruar midis Geron Xhafës dhe Albert Veliut, por ka dërguar vetëm kopjen e regjistrimit të paraqitur nga mediat me titrime me qëllim që të pengojë ekspertizën, e cila kërkon gjithnjë materialin origjinal dhe jo kopjen për të nxjerrë përfundimin e saktë.
4 – Ekspertiza britanike i jep goditje asgjesuese, ekspertizës brenda 24 orëve të Kallam Dështakut, i cili pasi organizoi bisedën telefonike midis Fred Alizotit dhe Alfred Veliut (në qëndrën e azilit në Kosovë) deklaroi publikisht se zëri nuk është i Geron Xhafës, duke besuar se do të mund të shiste zërin e aktor Alizotit për zërin e Xhafës.
Ekspertiza nuk konfirmon zërin e Alfred Alizotit, si të ngjashëm me zërin e personit (Geron Xhafës), që bisedon me Alfred Veliun, por habitshëm ajo gjen se zëri i aktorit Alizoti ngjasonte me atë të tre mostrave të tjera krahasuese të dërguara si placebo për ekspertizë dhe konkretisht me mostrat e zërit të Ardi Alizotit, Ardi Xhafës dhe Geron Velisë, i cili, të dashur miq, është i njëjti person, anëtar kryesor i bandës së Geron Xhafës, por që në shërbim të Faqezi Drogës dhe Kallam Dështakut, preferon shumë emra dhe mbiemra.
Si përfundim, nuk keni parë gjë akoma!
Ps: Placebo dmth në këtë rast, një mostër që përdoret për kontroll krahasues, e detyrueshme për çdo ekspertizë!