Disa orë para ceremonisë për betimin e anëtarit më të ri të Gjykatës së Lartë, Presidenti Donald Trump akuzoi demokratët se po komplotojë që ta heqin gjykatësin Brett Kavanaugh nga detyra.
Zoti Kavanaugh, që kaloi një process konfirmimi të ashpër mes akuzave për sulm seksual kur ishte i ri, “u gjend në vorbullën e një kurthi të ngritur nga demokratët. Dhe tani ata duan të përdorin procedurën e shkarkimit për të”, tha zoti Trump.
Duke folur me gazetarët në oborrin e Shtëpisë së Bardhë, presidenti tha se një sulm ndaj zotit Kavanaugh do t’i kushtonte partisë së opozitës, në zgjedhjet e Kongresit në nëntor.
“Publiku amerikan e ka parë këtë farsë dhe ishte e turpshme. Dhe mendoj se do ta shihni reagimin më 6 nëntor”, shtoi zoti Trump.
Cremonia për zotin Kavanaugh do të mbahet sot në mbrëmje në Shtëpinë e Bardhë. Ai e bëri zyrtarisht betimit disa orë pasi senati e konfirmoi atë me një diferencë të vogël votash për postin e përhershëm në gjykatën më të lartë të vendit.
Trump dhe republikanët shpresojnë që konfrmimi i gjykatësit konservator 53 vjeçar t’i entuziazmojë përkrahësit e tyre në zgjedhjet që do të vendosin fatin e kontrollit të Kongresit.
Zëvendës kryetari demokrat i komisionit juridik të Dhomës së Përfaqësuesve, Jerry Nadler i Nju Jorkut ka thënë se partia e tij do të hetonte akuzat për sjellje të papërshtatshme seksuale kundër zotit Kavanaugh nëse demokratët marrin shumicën.
Demokratë të tjerë me peshë kanë lënë të kuptohet se nuk kanë plan që të fillojnë procedurë për shkarkimin e zotit Kavanaugh.
