Një tentativë grabitje ka ndodhur pasditen e sotme në kryeqytet në rrugën “Muhamed Gjollesha”.
Policia bën të ditur se një person i maskuar, nën kërcënimin e një arme të dyshuar lodër, ka tentuar të vjedhë në një argjendari.
Sipas policisë, personi i maskuar nuk ka arritur të realizojë vjedhjen, por është larguar pasi është spërkatur me solucion nga punonjëset e argjendarisë.
Shërbimet e Policisë po punojnë për identifikimin dhe kapjen e tij.
