Zëdhënësja e Partisë Demokratike, Ina Zhupa ka publikuar dokumentet që dëshmojnë bashkëpunimin e Bashkisë Tiranë me kompaninë ‘Fusha shpk’.
Në bilancet zyrtare të deklaruara në Drejtorinë Rajonale të Tatimeve, tregohen qartazi se si janë rritur vit pas viti të ardhurat e kësaj kompanie.
“Maratona e parave publike që Veliaj ndan me klientin e tij të preferuar Fusha shpk.
Sipas bilanceve zyrtare që vetë Fusha shpk ka dorëzuar në Tatime, duket qartë se si janë shumëfishuar të ardhurat nga viti në vit të kësaj kompanie. Burimi kryesor i të ardhurave janë tenderat dhe punët që i jep Bashkia Tiranë, në shumicën e kohës të paracaktuara për Fusha shpk. Veliaj bashkë me Ramën përgatisin që ti japin ndërtimin e 6 kullave në pronën publike të Teatrit Kombëtar që shkon te 200 milion euro fitime.
Mesa duket drejtësia për Ardit Gjoklajt nuk u gjet kurrë nga dreka e duhur Veliaj- Petrit Fusha, kryeprokurori i Tiranës, por u gjet shumë mirë gjuha e përbashkët për tu pasuruar të dyja palët”, shkruan Ina Zhupa.