Seksi dhe ushqimi janë të lidhur ngushtë bashkë dhe kjo nuk është risi, duke patur parasysh që ushqimi është thelbësor për shëndetin tonë.
Për t’u përgatitur sa më mirë për një takim dashurie, përveç të brendshmeve seksi, një kalimi tek parukieri dhe estetistja, duhet të kujtohemi se për një darkë nën dritën e qirinjve, duhet t’i kushtojmë shumë rëndësi edhe asaj që do konsumojm.
Ja cilët janë 5 llojet e ushqimeve që do jenë të shkëlqyer për një performancë për t’u mbajtur mend dhe ndonjë sugjerim që do ju hyjë në punë, për të evituar situatat e sikletshme.
Tryezë e çmuar: parimi i ushqimeve afrodizikaë është pa dyshim çokollata. E pasur me flavanolë, substanca antioksiduese të pranishme në kakao, çokollata përmirëson performancën sepse është e pasur në substanca antioksiduese që favorizojnë qarkullimin e gjakut dhe tonifikojnë organizmin, gjë shumë e rëndësishme për takimet e dashurisë.
Çokollata ndërkohë përmban kafeinë, serotoninë dhe endorfinë të cilat influencojnë neurotransmetuesit tanë duke reaguar si stimulues të cilët dhurojnë energji, përqendrim, dëshirë seksuale dhe ndjesinë e kënaqësisë. Është më e mira!
Nektari i ëmbël: Edhe mjalti është një aleat i mirë i erosit. I pasur me vitaminë B dhe kripra minerale, përveçse është një koncentrat beneficesh për shëndetin tonë në përgjithësi, me sheqernat e tij stimulon prodhimin e lëngjeve trupore.
Mjalti ndërkohë përmban boro, një element vajor që ndihmon në rritjen e nivelit të estrogjenit, hormonet kryesore seksuale femërore dhe rrit nivelin e testosteronit, hormonit përgjegjës e dëshirës seksuale.
‘Muaji i mjaltit’, përveçse është shumë i ëmbël, mund të rezultojë një ‘eksploziv’ i vërtetë.
Banania: Përveç formës, që shpesh përdoret në mënyrë nënkuptuese, ky frut është i pasur me shumë veti ushqyese të tilla si vitamina B, potasium, magnesiumi dhe minerale të tjera që japin energji. Banania ndërkohë përmban një enzimë që favorizon libidon, duke luftuar kështu impotencën. Kurrë mos rrini pa të!
Shije luleshtrydhesh: Bashkë me çokollatën, luleshtrydhja përfaqëson një nga ushqimet afrodiziake më të mira.
Bashkimi është edhe shumë i shijshëm njëkohësisht. Të zhytësh një luleshtrydhe në çokollatë të shkrikë është një eksperiencë gati mistike, përveç rasteve kur ndonjë nga partnerët vuan nga alergjia ndaj frutave të kuq.
Luleshtrydhet me formë zemre, do jetë një koiçidencë? Janë të shijshme, të lehta dhe të shëndetshme: perfekte për një konsumim ‘tendencioz’ që mund të jetë fare mirë edhe preludi i një takimi ku ëmbëlsia dhe pasioni janë fjalët kyçe.
E kuqja flakë: Speci djegës është konsideruar prej shekujsh si një afrodiziak, pa të cilin nuk mund të bësh dot.
Kjo bimë e mijëra vetive është një mbrojtës zemre natyral, përmirëson qarkullimin dhe përforcon mbrojtjen imunitare.
Falë një alkanoidi përgjegjës i shijes djegëse, stimulon rritjen e qarkullimin të gjakut dhe rrit dendësinë e tij në organet gjenitale. Zjarri i pasionit nis që aty.
Për të evituar: Para një takimi dashurie, apo edhe thjesht seksual, harrojin të skuqurat, ushqimet e rënda dhe ato që janë të vështira për t’u tretur si: mishi i përpunuar, bishtajoret dhe sidomos fasulet, për të evituar fryrjet e papëlqyera të barkut, si dhe përdorimin e djathit që, përveçse është shumë kalorik, mund të lërë edhe aromë të pakëndëshme të gojës.
Në këtë rast, duhet të konsumoni sa më pak.
