Mbrëmjen e djeshme, këngëtari i njohur Robert Berisha ka qenë i ftuar në emisionin “Zonë e Lirë”, ku veç të tjerash është pyetur edhe për sherrin e bujshëm me kunatën e tij, Tunën.
Lidhur me këtë temë ai është shprehur se kjo gjë është bërë kaq e madhe për shkak të vëmendjes mediatike që ka marrë dhe se në të vërtetë nuk është diçka kaq serioze.
Por nuk ka përfunduar këtu, Arian Çani ka ftuar në studio një këngëtare e cila ngjasonte me Tunën dhe i ka thënë Robertit që po vjen kunata e tij. Për një moment të gjithë menduan se kjo gjë do të ndodhte vërtetë derisa Albulena Uka u fut në studio.
Mes të qeshurave dhe shakave, Çani i thotë këngëtares të mbajë mikrofonin drejtë, ndërkohë që Roberti komenton duke thënë : “Nuk di, nuk është mësuar sepse këndon playback”, duke i’u referuar kështu Tunës.