Victoria dhe David Beckham janë dy ndër njerëzit më me influencë në botë dhe njihen për jetën e tyre tepër luksoze. Ka shumë persona që e lakmojnë jetesën e tyre dhe me të drejtë. Së fundmi është mësuar se David dhe Victoria kanë shitur shtëpinë e tyre prej 13.000 metra katrorë.
Ata e kanë blerë këtë shtëpi në vitin 2007, kohë në të cilën David nënshkroi një kontratë prej 250 milionë dollarësh me skuadrën e futbollit ‘LA Galaxy’. Pas 11 vitesh ata do t’i japin lamtumirën rezidencës së tyre, duke qenë se e kanë shitur për 33.1 milionë dollarë.
Shtëpia e tyre ka 6 dhoma gjumi, 9 tualete, një pishinë, një bibliotekë, një dhomë për të dëgjuar muzikë dhe parë filma dhe porta hekuri për siguri. Tashmë familja Beckham pjesën më të madhe të kohës jeton në Londër.
