Ministri i Brendshëm Fatmir Xhafaj është zënë ngushtë dhe ka anashkaluar komentet lidhur me ngjarjen e mbrëmshme në Tiranë, me 1 të vdekur dhe 2 të plagosur.
Pyetjes së gazetarëve lidhur me këtë ngjarje Xhafaj i është përgjigjur duke folur për shifrat e operacionit “Forca e Ligjit”
Fatmir Xhafaj: Besoj se biem dakord që Shqipëria dhe rajoni që po flasim janë shumë, shumë më tepër se një kriminel apo grup i tillë, me të cilin jemi futur në një luftë pa kompromis dhe tolerancë zero. Ky ministreal tregon se krimi në tërësi dhe krimi i organizuar ka më shumë një karakter transnacional. Qeveria në nëntor të vitit të kaluar miratoi një plan të fokusuar në goditjen e grupeve kriminale dhe sekuestrimit të aseteve të tyre të quajtur “Forca e Ligjit” që janë fokusuar në skanimin e grupeve kriminale që veprojnë në territorin e Shqipërisë apo që janë në ndërveprim me grupe të tjera kriminale jashtë territorit të Shqipërisë.
Është fakt që në gati 11 muaj janë bërë 19 operacione, janë goditur 9 grupe kriminale konkrete, 130 të arrestuar dhe janë 17- 18 milionë euro të sekuestruara.Lufta vazhdon Lufta kundër krimit nuk është çështje ditësh apo javësh, por është një luftë që vazhdon, nuk është cështje ditësh. Ritheksoj ne jemi të angazhuar në këtë proces. Dëshiroj të them që javën të vijim do të shihni disa goditje grupesh kriminale në përfundim të hetimeve të zhvilluara në territorin e Shqipërisë apo në bashkëpumim me partnerët ndërkombëtare.
Ne jemi ministra dhe drejtojmë në nivel strategjik politik dhe institucional çështjet operacionale i përpkasin Drejtorisë së Përgjithshme të Policisë.
Xhafaj paralajmëroi dhe arrestime të grupeve të tjera në kuadër të operacionit “Forca e Ligjit”.