Tetë vite burg është dënuar një taksist shqiptar që u shpall fajtor për përdhunimin e dy vajzave italiane. Mediat e vendit fqinj kanë raportuar se, Besnik Hoxha akuzohet se mes korrikut 2016 dhe nëntorit 2017, ka abuzuar seksualisht me dy vajza, 20 dhe 25 vjeçe.
Ai i mori ato me makinën e tij nga diskoteka për t’i çuar në shtëpinë e tyre. Në bazë të hetimeve, dhe dëshmive të vajzave, rezultoi se pasi i joshi, shqiptari abuzoi seksualisht me to.
“Ansa” shkruan se shqiptari në të dyja rastet kishte ndalur makinën e tij në rrugë dytësore dhe më pas kishte përdhunuar vajzat. Prokuroria kërkoi 14 vite e gjysmë burg për Hoxhën, ndërkohë që ai u dënua me 8 vite.
