Fabjol Gaxha është 28-vjeçari që mbeti i vdekur mbrëmjen e së enjtes në një lokal në ish-Bllok, ndërsa mbetën të plagosur Ervis Martinaj, 36 vjeç dhe Eljon Hato, 28 vjeç. Gazeta Shqiptare ka mësuar dinamikën e ngjarjes së rëndë që ndodhi dje në mbrëmje.
Kështu, rreth orës 21:00 në lokalin Monopol, në 2 tavolina të ndryshme kanë qenë duke pirë verë Ervin Mata, Fabiol Alushi si dhe Marviol Bilo si dhe një person tjetër i pa përfshirë në ngjarje. Ndërsa në një tavolinë tjetër ka qenë Ervis Martini dhe Eljon Hato. Gjërat mes palëve kanë qenë të qeta dhe nuk kanë pasur komunikim.
Rreth orës 21:30 në lokal ka mbërritur Fabiol Gaxha. Sapo e ka parë Mata i ka kërkuar të sqarohen, pasi tre javë më parë ai ka ngacmuar të dashurën e tij këngëtaren e njohur, Elvana Gjata së bashku me një vajzë tjetër të shoë bizit.
Sapo është afruar Fabioli ka nisur konfrontimi fizik dhe Mata e ka goditur disa herë me grusht, duke e ulur në tokë. Ndërkaq, i ka ardhur në ndihmë Ervis Martini dhe Eljon Hato. Në këto momente, Fabiol Gaxha ka nxjerrë pistoletën.
Menjëherë ka nisur shkëmbimi i zjarrit mes 2 palëve ku për pasojë ka mbetur viktimë Fabiol Gaxha dhe u plagos Ervis Martini dhe Eljon Hato. Autoret e ngjarjes pas të shtënave kanë dalë me shpejtësi nga lokali.
Në kamera duket që njëri është larguar në këmbë në rrugicat e bllokut. Njëri është larguar me makinë, ndërsa i treti nuk është përcaktuar. Policia ka mbërritur rreth 10 minuta pas ngjarjes pati nuk ka pasur asnjë telefonatë në sallën operative për sinjalizimin e ngjarjes.
Ndërkohë që janë shpallur në kërkim Ervin Mata, 31 vjeç, Fabio Allushi, 42 vjeç, si dhe Mevjol Bilo, 41 vjeç, që të tre këta banues në Tiranë.
