Ishte ‘zhdukur’ që prej muajit korrik pa lënë asnjë lloj gjumr por Fan Bingbing, i ka habitur të gjithë. Artistja protagoniste e Blockbuster ‘X Men’ është rishfaqur në rrjetet sociale duke sqaruar situatën e saj.
Ylli kinez akuzohet për evazion fiskal dhe taksa të pa paguara. Ajo i ka kërkuar falje fansave të saj në një postim në Twitterin kinez.
Ajo ka kundërshtuar pagesën prej 129 milion dollarë. Pas disa muajsh heshtjeje e zhdukje artistja, modelja dhe producentja kineze është shfaqur në Weibo, Twiterin kinez. Ajo pranoi fajin e saj, duke i kërkuar fansave ta falin dhe ti përcjellin ndjesën e saj ‘shoqërisë, miqve, publikut dhe administratës fiskale kombëtare’.
‘Pa politikat e mira të Partisë së Vendit, pa dashurinë dhe vëmendjen e të gjithëve Fan BingBing nuk do të ishte’, ka shtuar aktorja.
Sipas asaj që raportojnë mediat kineze, autoritetet kanë zbuluar që Fan dhe ndërmarrjet e saj nuk kanë paguar qindra miliona dollarë taksa. Ndaj artistja duhet të hedhë deri në 129 milion dollarë, përfshirë edhe gjobat, për të mos përfunduar në burg.
Sipas Forbes, në 2017 Fan Bingbing ka qenë ylli kinez më i paguar. Ajo kishte të ardhura deri në 38 milion euro në vit.
