Një prokuror sllovak ka identifikuar një grua, Alena Zs., si porositësen e vrasjes së gazetarit investigativ sllovak, Jan Kuçiak, të paguar 70000 euro, në muajin shkurt.
Kuçiak kishte hetuar lidhjet mes mafias kalabreze dhe personaliteteve politike.
Vrasja e gazetarit dhe të fejuarës së tij kishte shkaktuar manifestime të fuqishme kundër qeverisë sllovake dhe kishte sjellë dorëheqjen e kryeministrit Robert Fico.
“Alena Zs. urdhëroi vrasjen, Tomas Sz. i vrau me plumba, Miroslav M. ishte shoferi dhe Zoltan A. një ndërmjetës”, tha ky prokuror, emri i të cilit nuk bëhet i ditur, gjatë një konference për shtyp në Bratislava, transmeton ATSH.
“Vrasësi ishte paguar 70000 euro, nga të cilat 50000 euro në para kesh dhe 20000 euro nëpërmjet anulimit të një borxhi që Zoltan A. ia kishte Alena Zs”, theksoi i njëjti prokuror.
