ELBASAN – Protesta e nxënësve të shkollës 8-vjeçare në fshatin Mengël të Elbasanit është bërë shkak që me urdhër të ministrit të Brendshëm, Fatmir Xhafajt, të niset një ekip i Forcave Shqiponja dhe FNSH. Prej disa ditësh nxënësit protestojnë pranë shkollës për rihapjen e saj, pas vendimit të Lindita Nikollës për t’i vënë drynin këtij insitucioni arsimor dhjetëra vjeçar në këtë fshat.
Deputeti i PD në Qarkun e Elbasanit, Luçiano Boçi ka denoncuar me foto prezencën e Forcave Speciale në ambientet e shkollës të cilët nuk lejojnë nxënësit të futen brenda saj. Një njësit i tërë policor kundër disa fëmijëve. Kaq shumë e paska tronditur Ramën dhe Xhafajn kjo protestë e vogëlushëve të fshatit Mengël?
Për më shumë ndiqni denoncimin e deputetit Luçiano Boçi:
FORCA SPECIALE KUNDËR
FĒMIJËVE!!!
…ka ndodhur në Elbasan!
Në shkollën në Mengël ku nxënësit kanë dy javë që protestojnë, sepse i kanë shkulur me zor nga shkolla për t’i degdisur km larg.
Sot ata kanë hyrë në shkollën e tyre, por janë ndeshur me dhunën e forcave policore dhe forcave speciale të armatosur deri në dhëmbë.
Shumë e fortë kjo policia jonë.
Armiku i tyre janë nxënësit nga klasa e parë deri në të IX-tën, prindërit dhe komuniteti atje.
Fjala TURP nuk mjafton!
Ky pushtet po jeton ditët e marrisë së madhhe të tij si shenja të fundit të pashmangshëm.
Ndërsa krimi në Elbasan bën kërdinë askund nuk ndeshet me forcat speciale. Krimi as nuk ndalohet e as nuk arrestohet.
Përkundër nderohet!
Kjo është Shqipëria e sotme.
Dhunë e pushtetit dhe atyre të veshur me pushtet mbi të pambrojturit, mbi fëmijët, mbi Xhisielat e të pamundurit.
Dhunuesit meritojnë të shpagohen!
