Athina zyrtare reagon lidhur me rezultatet e referendumit në Maqedoni. Në një deklaratë, Ministria e Jashtme greke vë në dukje pjesëmarrjen e ulët në votime, megjithatë vlerëson votimin në shumicë dërrmuese pro marrëveshjes.
Tashmë, me shumicën që ka votuar pro marrëveshjes me Greqinë, por me një pjesëmarrje të ulët (që nuk kalon censusin 50%+1 votë edhe pse nuk bëhet fjalë për një referenfum konsultativ), fjala e fundit i takon parlamentit maqedonas.
“Hapat e ardhshëm kërkojnë maturi nga të gjitha anët pa përjashtim, në mënyrë që potenciali pozitiv i Marrëveshjes së Prespës të ruhet”, paralajmëron Ministria e Jashtme greke në deklaratën e saj.
Deklarata e plotë
Deklarata e Ministrisë së Jashtme për rezultatin e referendumit në ish Republikën Jugosllave të Maqedonisë
Greqia po ndjek nga afër zhvillimet në vendin mik të ish Republikës Jugosllave të Maqedonisë. Ajo mbetet e angazhuar për marrëveshjen e Prespës.
Rezultati i referendumit në ish-Republikën Jugosllave të Maqedonisë, këshillues dhe jo pjesë e kushteve detyruese të marrëveshjes së Prespës, është kontradiktor. Supremacia e Madhe e “Po-së”, por pa pjesëmarrjen përkatëse. Një pjesë e madhe e shoqërisë së vendit fqinj mbështeti marrëveshjen. Megjithatë, një pjesë e rëndësishme e saj u përball me skepticizëm. Greqia respekton zgjedhjet e qytetarëve të ish Republikës Jugosllave të Maqedonisë.
Ministria e Punëve të Jashtme e Greqisë në përgjithësi konsideron se klima e nacionalizmit dhe dyshimit, lajmet e përditshme të rreme dhe fanatizmi ekstrem, për fat të keq nuk lejojnë një vlerësim të matur të përfitimeve të mëdha të marrëveshjes dhe parandalojnë të kuptuarit e nevojshëm reciprok të popujve dhe zhvillimin e bashkëpunimin e tyre.
Nacionalizmi ekstrem dhe agresiv në rajonin tonë, papërgjegjësia ndaj të ardhmes së rajonit, ndërhyrja në stereotipet e papërgjegjshmërisë, ndërsa historia duhet të jetë një shkollë, jo një burg, nuk i jep mundësi rajonit në përgjithësi.
Nevoja për bashkëpunim të barabartë në rajon, sovraniteti i kulturës së dialogut demokratik, kultura e pajtimit dhe kompromise të ndershme po rritet. Kundërshtimet ndaj marrëveshjes së Prespës kanë rezultuar të pavërteta dhe të gabuara.
Hapat e ardhshëm kërkojnë maturi nga të gjitha anët pa përjashtim, në mënyrë që potenciali pozitiv i Marrëveshjes së Prespës të ruhet.
