Drejtori i shkollës së fshatit Doganaj të Kaçanikut ndodhet në paraburgim. Nehad Selmani dyshohet të ketë ushtruar dhunë ndaj një nxënësi të shkollës e më pas edhe ndaj prindit të tij.
Rastin për mediat vendore e ka konfirmuar edhe zëdhënësi i policisë së Kosovës për rajonin e Ferizajit, Agim Gashi.
“Po është arrestuar, po mbahet në paraburgim. Të njëjtit i është caktuar masa e paraburgimit për 48 orë”, ka thënë shkurt ai në një prononcim.