SHKODËR-Një person ka humbur jetën si pasojë e përplasjes së një makine me një motor. Viktima është drejtuesi i motorit Marjan Kacoli rreth 25-vjeç banues në fshatin Stajkë, i cili ndërroi jetë në vend, pasi përplasja rezultoi fatale.
Ngjarja ka ndodhur mbrëmjen e sotme rreth orës 20:30 minuta në aksin Shkodër- Vau i Dejës në fshatin Kaç.
Policia ka shoqëruar drejtuesin e makinës, ndërkohë që shkak i aksidentit nga të dhënat e para dyshohet se ka qenë mungesa e ndriçimit në rrugë dhe shpejtësia.
