Nuk i ndahen shfaqjeve Fatmir Xhafaj dhe Arta Marku.
Edhe sot kanë nxjerrë vartësit e tyre për të folur për suksesin e hetimeve të tyre.
Në mënyrë ironike ata thanë se kanë hetuar prej 6 muajsh, ndërsa deri para 2 javësh nuk kanë pasur asnjë provë.
E pikërisht sot ata dolën e thanë se mes të arrestuarve të grupit ‘Bajri’ është edhe futbollisti i njohur, ish-portieri i Vllaznisë Armir Grimaj.
Por pse është ndaluar ish-futbollisti. Mësohet se Grimaj disa vitë më parë ka takuar Safet Bajrin me portierin e Tërbunit të Pukës.
Ky është shkaku që prokuroria e ka futur në listë edhe Armir Grimaj. Sipas prokurorisë, Bajri i ka bërë presion portierit të Pukës për të lënë ndeshjen.
E kështu, prokuroria e heton Bajrin për trukim ndeshjesh.
Ndërsa Armir Grimaj ka qenë portier i ekipit të futbollit të Vllaznisë në vitet 1998-2000 si dhe drejtor teknik i skuadrës.
Ai mori detyrën në 22 Prill të vitit 2016 si trajner i Kombëtares së femrave duke zëvendësuar Altin Rrakllin e dorëhequr, pas disa vitesh në këtë post.
