Një i ri nga Pogradeci është prangosur sapo ka dalë nga ambasada e SHBA, pasi paraqiti dokumente false, certifikatë dhe diplomë shkolle, për të marrë vizë amerikane.
I riu u arrestua pasi oficerët e kontaktit në ambasadë amerikane njoftuan policinë e Tiranës për faktin e konstatuar.
Sapo ky person ka lënë ambientet e ambasadës ai është arrestuar dhe akuzohet për falsifikim dokumentesh zyrtare.
Mësohet se prokuroria e Tiranës ka nisur hetimet pasi dyshohet se në zonën Librazhd-Pogradec ka një laborator të falsifikimit të dokumenteve që persona të ndryshëm paraqesin në ambasadat e vendit.
