Nga Boldnews.al
E gjithë Shqipëria është përshtjelluar nga vendimi për mbylljen e rreth 150 shkollave në mbarë vendin dhe transferimin e nxënësve në shkolla të tjera, larg zonës së banimit. Këto vendime të befta erdhën vetëm pak ditë para se të niste sezoni i ri shkollor 2018-2019.
Ende prindërit e nxënësve protestojnë për këtë nismë absurde, por Rama dhe Nikolla kanë vendosur që të mbyllin shkollat për nxënësit dhe në bankë të “ulin” drejtorët dhe nëndrejtorët. Si një risi që vetëm Rama di të krijojë në shërbim të vetës është edhe ligji që detyron drejtuesit e shkollave në arsimin parauniversitar që të marrin pjesë në trajnime.
“Shkolla e Drejtorëve të Institucioneve të Arsimit Parauniversitar bashkëthemelohet nga Ministria e Arsimit, Sportit dhe Rinisë (MASR) dhe Fondacioni Shqiptaro-Amerikan për Zhvillim, me emërtimin zyrtar “Albanian-American Development Foundation” (AADF). Marrëveshja e themelimit të Shkollës së Drejtorëve, e nënshkruar ndërmjet MASR-it dhe AADF-së, dhe akti i themelimit të Shkollës së Drejtorëve përcaktojnë të drejtat dhe detyrimet e palëve themeluese të Shkollës së Drejtorëve të
Institucioneve të Arsimit Parauniversitar”-thuhet në një nga pikat e ligjit që tashmë ka hyrë në fuqi.
Shkolla e Drejtorëve të Institucioneve të Arsimit Parauniversitar zyrtarisht thuhet se ka për qëllim zhvillimin profesional të drejtorit/nëndrejtorit në detyrë dhe kandidatit për drejtor/nëndrejtor të institucionit arsimor parauniversitar, publik ose privat, nëpërmjet administrimit të procesit të trajnimit të detyrueshëm përgatitor për pajisjen me certifikatë për drejtimin e institucioneve arsimore parauniversitare.
E gjitha është një lojë dhe qëllim i Ramës dhe ministres Nikolla për të pasur nën oazin partiak drejtuesit e shkollave në vend. Nëpërmjet këtyre shkollave, drejtorët dhe nëndrejtorët do të pajisen me një “mal” me certifikata trajnimi dhe vlerësimi, çka më vonë e bën të pamundur që ata të lëvizin nga detyra.
Jamë në prag të nisjes së fushatës për zgjedhjet lokale dhe drejtuesit e shkollave, sidomos në fshtra njihen për reputacionin e tyre dhe në këmbim të “cërtifikimit si të aftë” do të detyrohen të bredhin shtëpi më shtëpi për të siguruar vota për kandidatët socialist në zgjedhjet lokale.
