Kreu i Partisë Demokratike, së bashku me aleatët e opozitës, kanë nisur seancën në Vlorë. Basha në fjalën e tij deklaroi se nuk merr pjesë në Kuvend, pasi shteti është në emergjencë kombëtare.
Më tej kreu i PD, deklaroi se duhet një mobilizim për të gjithë pasi Rama ka kapur shtetin dhe po vjedh.
Pjesë nga dekalrata
Ndodhemi në një emergjencë kombëtare, nuk ka më gjykata dhe Prokurori. Jemi një shtet ku policia dhunon qytetarët për të mbrojtur oligarkët, siç ndodhi në Jalë me krye mafiozin Meta.
Cili është roli i opozitës? Çfarë mund të bëjmë në po të kthehemi në Kuvend? Do jemi vetëm fasadë e kriminelëve. Cili i roli i qytetare kur e kanë marrë peng hajdutët.
Në bindjen time më të thellë çlirimi i parlamentit të uzurpuar nga kriminelët dhe hajdutët mes mobilizimit të sovranit është rekursi i vetëm në gjendjen e emergjencës kombëtare ku jemi sot. Kjo emergjencë kombëtare merr shprehje në iniciativën tonë për vetingun në politikë.
Me vetingun në politikë asnjë nga krerët e pushtetit nuk mund të qëndrojë më në karriget që kanë uzurpuar.
Emergjenca kombëtare kurrkund tjetër nuk merr shprehje kaq të dhimbshme e të përgjakur sa në Vlorë. Vetëm në 12 muajt e fundit ka një bilanc lufte që i atribuohet direkt klaneve kriminale, Habilaj, Xhafaj, dhe kriminelëve të tjerë që e kanë kthyer Vlorën në çifligun e tyre. Prishja e pazareve kanë shkaktuar 6 të vdekur, 15 ngjarje të rënda janë regjistruar në një periudhë të shkurtër, me tritolin në makinë e Flamur Lamajt, pastaj me ekzekutimin me 15 plumba të Elidon Mehmetit, Ergys Gjoiveshaj ti vrarë dhe të tjerë të plagosur, vrasja e drejtorit rajonal të OSHEE, vrasja e Fatjon Sinanajt dhe eksploziv në makinën e Elidon Ismailaj,
Atentati nga Llanaj dhe djalit të tij, djegia e makinës së inspektorit të policisë, eksplozivi që plagosi 25-vjecarin Hajrullai.
I pari i listës së rilindjes krimianle është vetë kryeministër dhe i ndjekur nga ministri që ka vëllanë baronë të drogës në Vlorë.
Ky bilanc kriminal është kaq i rënduar për dy arsye, Rama krye deputet i Vlorës i dorëzoi kontrollin këtij qarku Saimir Tahirit dhe pas komprometimit të tij të plotë, Fatmir Xhafës, por të gjithë e dinë nëse i pari e bënte drogën me kushërinj, i dyti e bën më vëllanë e tij, ai ka dhënë karta bilancë të bashke dënuarve të vëllait, i ka dhënë industrinë e bixhozit me të cilat pastrohen paratë e pista.
Krimi i organizuar në bashkëpunim me Ramën e ka shndërruar Vlorën në një zonë luftë të vërtetë, për kontroll dhe treg mes bandave kriminale ku viktimat janë të pafajshmit, biznesmenët e ndershëm, ekonomia dhe e ardhmja e qytetit.
