Ndahet nga jeta këngëtari i muzikës shqiptare

Rapsodi i njohur shqiptar, Hashim Shala ka ndërruar jetë ditën e sotme. Është kolegu i tij, Ismet Bogujevci, i cili ka bërë të ditur lajmin e ndarjes nga jeta të 82- vjeçarit përmes një postimi në rrjetin social “Facebook”.

Hashim Shala i dedikoi shumë vite karrierës së tij në muzikë, duke krijuar këngë patriotike dhe folklorike.

LEXO EDHE  Zonat pa drita në kryeqytet, ja ku do të mungojë energjia....

Ai mori pjesë në qindra festivale brenda ish-Jugosllavisë dhe në botë, ku përfaqësoi në mënyrën më të denjë rrënjët e folklorit shqiptar dhe trashëgiminë kulturore shqiptare.

Shala kompozoi 169 këngë dhe publikoi disa albume muzikore me këngë popullore. Hashim Shala u lind në vitin 1936 në fshatin Vërbofc të Drenicës.