Deputetja e Partisë Demokratike, Albana Vokshi, ka denoncuar mbylljen e mbi 130 shkollave në të gjithë vendin nga qeveria. Në rrjetin social Facebook, Vokshi ka publikuar edhe foton e shkollës së Bradasheshit, një investim prej 2 milionë eurosh, e cila ka mbyllur dyert.
Postimi i plotë:
– 133 mijë fëmijë kanë braktisur sistemin shkollor katër vitet e fundit
– Mbi 130 shkolla janë mbyllur nga Rama
– 100 mijë fëmijë nuk hanë më shumë se një vakt në ditë
Por fëmijët nuk janë shqetësim i EDI RAMËS. Në fakt, nuk kanë qenë kurrë në jetën e tij.
Ndaj sot, në vend që të heshtë, Kryeministri ynë, që nuk e vret mendjen për njerëzit, sulmon opozitën në përpjekje për të fshehur faktin se shpenzimet e tij të lluksit do të mjaftonin për të ndërtuar gjithë shkollat në vend dhe për të paguar për të gjithë fëmijët tekstet falas.
