Dhuna fizike në familje dhe sidomos mbi gratë vazhdon që të ngelet një nga fenomenet më të përhapura në shoqërinë shqiptare.
Në Kosovë janë 10 shtëpi të sigurta që strehojnë viktimat e kësaj dhune, ku njëra prej tyre ka dhënë një deklaratë mjaft të dhimbshme. Vetëm 20 vjeçe, nënë e një fëmije 1 vjeç, gruaja ka treguar se si bashkëshorti i saj e rrihte pavarësisht se asaj i binte të fiktë.
“Ne jemi dashur me njëri-tjetrin. Në atë kohë marrëdhëniet kanë qenë ndryshe, ishim të lumtur. Vendosëm që të martohemi, por me marrëveshjen që do ta vazhdoj shkollimin, pasi unë e kam dashtë shumë shkollën, kam qenë nxënëse e shkëlqyeshme. Pas martesës ndryshoi gjithçka.
Më ka rrahur me shuplaka, grushte, shqelma, dhe nuk i ka interesuar më pas gjendja ime, nëse jam alivanosur apo çfarë ka ndodhur me mua. Sa herë kam shkuar në Polici, atje më kanë bindur të kthehem tek ai dhe më kanë thënë se këto gjëra nuk do të ndodhin më”, ka treguar ajo.
Ndonëse identiteti i së resë nuk bëhet i ditur, ajo është një nga shumë vajzat dhe gratë e reja të hunuara në Kosovë, ndërsa vitet e fundit nuk mungojnë rastet kur dhuna është pasuar nga vrasje.
