Pas sukseseve të njëpasnjëshme dhe ngjitjes në karrierën muzikore, Era Istrefi i ka lënë pak mënjanë rrjetet sociale. Së fundmi ajo ju nënshtrua dhe një operacioni, ku hoqi apandesitin dhe ditën e sotme ka shpërndarë për ndjekësit një mesazh të rëndësishëm në profilin e saj.
Era ka shpjeguar arsyen e distancimit të saj nga Instagrami dhe duket se ka një arsye mjaft të fortë. Gjatë një interviste të cilën e ka ndarë me ndjekësit, ajo shprehet se është munduar të fokusohet në gjërat që e bëjnë të lumtur dhe të ndihet njerëzore.
“Arsyeja pse nuk po postoj shumë së fundmi. Mbështetem plotësisht në këtë intervistë që është bërë një vit më parë. Offline është luksi i ri. Mora kohën time që të shërohesha pas ndërhyrjes dhe të fokusohesha në çfarë më bën të lumtur dhe çfarë më bën të ndihem një qenie njerëzore.
Jam shumë e përgjegjshme për energjinë që jap, kështu që duhet të sigurohem që më parë ta rregulloj. Ndihem e shëruar dhe pozitive, mirënjohëse dhe e bekuar.
Mezi po pres për gjërat që do të vijnë dhe ti ndaj ato me ju.“- ka shkruar këngëtarja në postim.
