Në dhomën e emergjencave të Shtëpisë së Bardhë tashmë askush nuk mund të bëjë regjistrime. Për të eliminuar përgjimet administrata e Presidentit ka vendosur bllokues të valëve. Ky vendim ka ardhur pas publikimit të librit “Frikë”, që flet për prapaskenat e Trump në Shtëpinë e Bardhë.
Administrata e Shtëpisë së Bardhë ka vendosur bllokues të valëve telefonike apo dhe të paisjeve të regjistrimit në dhomën e emergjencës.
Mediat amerikane kanë bërë të ditur se shkak për këtë veprim janë bërë zbulimi i bisedave, apo dhe i të dhënave që janë diskutuar në stafin e presidentit të SHBA.
Por një tjetër shqetësim kanë qenë botimet më të fundit, ku autorët jo pak herë kanë replikuar dhe me presidentin Donald Trump.
Ish-bashkëpunëtori i tij, Omarosa Manigault Nevvman, thuhet se ka bere rregjistrime sekrete ne momentin qe po e pushonin.
Presidenti amerikan e quajti librin e gazetarit Bob Woodword të titulluar “Frikë, Trump në Shtëpinë e Bardhë”, nje mashtrim dhe autorin një genjeshtar.
Madje mes Trump dhe gazetarit që dikur hetoi Watergate është zhvilluar dhe një bisedë telefonike.
Mbështetësit e presidentit amerikan e kanë konsideruar si nje perfytyrim nga Woodword por edhe se mund te ekzistoje nje tradheti nga ish-ndihmesit me te larte te administrates.
Por në botim thuhet se i gjithë materiali është mbështetur nga një numër i lartë intervistash të bashkëpunëtorëve të ngushtë të Presidentit amerikan.
Madje në të citohen këshilltarë që kanë deklaruar se kanë tërhequr dokumente nga tryeza e Presidentit për të mos lejuar veprime ekstreme prej tij.
