Zëvendëskryeministri Hoxhaj në një panel për Ballkanin Perëndimor ne Forumin Strategjik te Bledit që është moderuar nga gazetari Tim Judah është pyetur nëse do të ndryshojë flamuri i Kosovës pas bisedimeve Kosovë –Serbi dhe nëse do të pranonte që Veriu i Kosovës t’i takojë Serbisë dhe Lugina e Preshëvës Kosovës
Gazetari i ka kërkuar një përgjigje me “po” ose “jo”, cka Hoxhaj ka refuzuar.
Ai ka thënë se Kosova do të angazhohet që ta konsolidojë shtetësinë në kufijtë aktualë, ndërsa ka qenë më decidiv kur është pyetur nëse do të ndryshojë flamuri i Kosovës si pasojë e qasjes së re të Presidentit Thaci.
“ Nuk do të ndryshojë as flamuri e as territori i vendit”.
Në këtë mënyrë Hoxhaj ka treguar se është ithtar i “politikës së vjetër” për konsolidimin e shtetit e jo i qasjes së Presidentit të Kosovës Hashim Thaci i cili po flet për këmbim territoresh ose bashkim të Preshevës me Kosovë, pa dhënë asgjë.
Ndryshe Hoxhaj ka thënë se Vuçiq është njeriu i fundit në Serbi të cilit i beson Kosova ndërsa ka theksuar se pala kosovare do të nënshkruaj vetëm marrëveshje që e njeh shtetësinë e Kosovës.
