Disa nga mediat më të mëdha botërore, si “Reuters”, kanë raportuar për ndeshjen e mbrëmshme të Kosovës kundër Ishujve Faroe, të cilën Kosova e fitoi me rezultat 2-0.
Ky rezultat shënoi fitoren e parë të Kosovës në historinë e saj në një kompeticion zyrtar.
Ndeshja ishte e vlefshme për rundin e dytë të ndeshjeve të Grupit 3, të Ligës D të Kombeve.
Ndeshja ishte edhe më e veçantë për shkak se ishte ndeshja e parë që Kosova do ta luante në shtëpi, në stadiumin “Fadil Vokrri”, i cili u licencua nga UEFA muajin e kaluar.
“Reuters” shkruan se Kosova e ka mposhtur skuadrën e Ishujve Faroe për të siguruar kështu fitoren e tyre të parë.
“Kosova e mposhtin skuadrën e Ishujve Faroe për ta siguruar fitoren e parë me karakter garues”, thuhet në titullin e kësaj medie.
Edhe gazeta gjermane, “Spiegel”, ka raportuar për ndeshjen e Kosovës, duke u fokusuar në reagimin e lojtarëve nga golave të shënuar.
“Futbollistët e Kosovës e festojnë fitoren e parë me karakter garues në histori të tyre”, shkruan “Spiegel” në versionin online.
Gjithashtu, gazetari i famshëm italian i sportit, Gianluca di Marzio, ka shkruar një artikull për fitoren e Kosovës. Në foto të lajmit, ai e ka vendosur koreografinë e tifozëve dardanë, ku shihet fotoja e ish-presidentit të Federatës së Futbollit të Kosovës dhe futbollistit legjendar, Fadil Vokrrit.
“Kosova e feston fitoren e parë në histori të tyre”, shkruan Di Marzio.
