Përveç familjarëve, dhimbjen më të madhe e kanë ndjerë edhe kolegët e miqtë e tij më të mirë.
Një ndër ta është edhe Rita Ora, me të cilën ka realizuar edhe këngën ‘Lonlely Together’.
Këngë e cila fitoi çmimin ‘Best Dance’ në VMA.
Në çdo koncert të saj, Rita nuk ka harruar të këndojë këngën e tyre, si për të treguar se veprat e Avicii do të jetojnë përgjithmonë.
Ditën e sotme Avicii do të festonte 29-vjetorin e lindjes dhe sigurisht që nuk mund të mungonte një dedikim i ndjerë nga këngëtarja me origjinë shqiptare. Rita ka publikuar në ‘Instagram’ një video nga një koncert i saj, duke thënë se ka qenë nder i madh të bashkëpunonte me Avicii-n dhe se kënga e tyre i ka ndryshuar jetën.
Krahas videos ajo ka bërë dhe një urim për mikun e saj të ndjerë: “Gëzuar ditëlindjen Avicii. Na mungon çdo ditë”.