Reperi i njohur amerikan Mac Miller është ndarë nga jeta në moshën 26-vjecare.
Këngëtari u gjet i vdekur në shtëpinë e tij në Los Angeles, sipas mediave amerikane. Sipas njoftimeve të para, dyshohet se ka humbur jetën për shkak të një overdoze droge.
BBC ben me dije se ai publikoi këngën e tij të fundit, Sëimming, më parë këtë vit dhe do të shkonte në turne.
“Artisti i njohur Mac Miller vdiq sot në shtëpinë e tij në Studio City. Mëngjesin e 7 shtatorit, Malcolm McCormick u gjet pa ndjenja. Autoritetet u thirrën dhe ai u shpall i vdekur në vendngjarje. Ndërsa do të bëhet një autopsi për të përcaktuar shkakun e vdekjes”- tha në një deklaratë Departamenti i Mjekësisë së Rrethit të Los Angeles.
Kujtojme se Miller ishte ish i dashuri i këngëtares Ariana Grande, por ata u ndanë publikisht kete vit dhe Ariana u fejua me një komedian.
Çifti, i cili u lidh në vitin 2012, bashkëpunoi në një numër këngësh dhe u shfaq së bashku në koncertin One Love Manchester në 2017.
Disa akuza u ngritën kundrejt tij pasi në maj arrestua duke ngarë makinën në influencën e substancave
Grande foli publikisht për përfundimin e marrëdhënies së tyre toksike pasi fansat e fajësuan atë për arrestimin e tij.
