Lodhja dhe shterimi i energjive janë ndër simptomat më të shpeshta tek të rriturit për shkak të stresit kronik, orareve të zgjatura në punë, gjumit me orare jo të rregullta, dietës jo të shëndetshme, apo dhe mungesës së ushtrimeve fizike. Nëse jeni duke u ndjerë të lodhur, por sërish ju nevojiten energji për të përballuar aktivitetet tuaja ditore, atëherë bëni mirë të ndiqni rregullat e mëposhtme.
- Merrni frymë thellë. Frymëmarrja e thellë me hundë dhe frymënxjerrja e shpejtë me gojë ndihmojnë në rifitimin e energjisë dhe ju japin një gjendje “alarmi” duke ju nxjerrë nga gjendja juaj e mëparshme e përgjumjes.
- Kujdesuni për posturën tuaj. Mbajtja e një posture jokorrekte mund t’ju bëjë të humbni tepër energji dhe kjo gjë mund të rikuperohet duke mbajtur një qëndrim korrekt me shpinën drejt dhe në kënd të drejtë me këmbët tuaja, teksa qëndroni përpara një kompjuteri.
- Këndo me zë të lartë. Mund të duket e pabesueshme, por nëse ndihesh i/e lodhur dhe vendos në celular një këngë që të pëlqen, mjafton të fillosh ta këndosh atë këngë me zë të lartë dhe do të ndihesh më në formë dhe me më tepër energji.
- Mundohu të bësh një shëtitje të shkurtër, qoftë edhe për 10-15 minuta. Nëse vendosni me kufje edhe një këngë që ju pëlqen, do të jetë akoma më mirë, pasi muzika e preferuar ju ngre edhe humorin, ndërsa shëtitja do t’ju mbushë me energji pozitive.
- Qëndroni të hidratuar. Pini mjaftueshëm ujë. Mund të pini edhe çaj jeshil, i cili njihet për vetitë e tij në rifitimin e energjive, apo të konsumoni edhe fruta me sasi të ulët karbohidratesh, si psh mollët jeshile.
- Ha shëndetshëm. Dieta luan një faktor kryesor në shterimin e energjive. Një dietë e pasur në yndyra dhe e varfër në vlerat e tjera ushqyese, ju bën të humbni shumë shpejt energji. Mundohuni të përfshini në dietë fruta, perime, mish peshku, vezë, si dhe produkte bulmeti.
- Fli mjaftueshëm orë gjumë. Mungesa e gjumit kuptohet që nuk ju “karikon” me energjitë e duhura për të përballuar gjithë rutinën tuaj ditore, ndaj mundohuni të flini mjaftueshëm 7-8 orë çdo natë për të pasur energjitë e duhura përgjatë ditës suaj.
- Për të qenë i/e sigurtë, bëj disa kontrolle për aneminë, apo balancën hormonale. Të dyja këto probleme shëndetësore sjellin edhe lodhjen fizike. Anemia nuk siguron oksigjenimin normal të indeve, ndërsa disbalanca hormonale çrregullon ritmet tuaja fiziologjike, ndaj përpiquni të bëni kontrolle mjekësore për to.
