Gazeta italiane “Gazzetta dello Sport” është hapur me një artikull të veçantë ditën e sotme. Në fakt, e përditshmja italiane e rinovon çdo sezon këtë artikull, ku në të shfaqen të gjitha pagat e futbollistëve që aktivizohen në Seria A italiane. Ndryshe nga sezoni i shkuar, ajo që bie në sy në këtë sezon që sapo ka nisur është paga “faraonike” e yllit të Juventusit, Cristiano Ronaldo.
Portugezi i cili firmosi me bardhezinjtë gjatë kësaj merkato vere për 4 sezonet e ardhshme fiton plot 31 milion euro. Shifra të frikshme këto, duke parë dhe buxhetin financiar të 20 skuadrave pjesëmarrëse në Seria A për sezonin 2018-2019. Paga e Ronaldos është më e lartë se e 10 skuadrave të Seria A.
Skuadra si Sassuolo, Cagliari, Genoa, Udinese, Atalanta, Parma, Frosinone, Chievo, SPAL dhe Empoli do ta kishin të vështirë të paguanin yllin portugez, me skuadrën e Empolit, ku aktivizohet dhe mbrojtësi i kombëtares shqiptare Federik Veseli që me buxhetin total të saj do ta paguante Ronaldon vetëm për gjysmën e sezonit.
Buxheti i skuadrave të Seria A për sezonin 2018-2019:
Juventus €219m
Milan €140m
Inter €116m
Roma €100m
Napoli €94m
Lazio €66m
Torino €43m
Fiorentina €37m
Sampdoria €36m
Bologna €34m
Sassuolo €30m
Cagliari €29m
Genoa €29m
Atalanta €27m
Udinese €26m
Parma €23m
Frosinone €22m
Chievo €21m
SPAL €21m
Empoli €16m