Një turist nga Kosova është zhdukur në Durrës. Policia e qytetit bregdetar ka bërë thirrje për ndihmë, për të gjetur shqiptarin nga Kosova të identifikuar si Skënder Rama, 55 vjeç.
Sipas policisë, 55-vjeçari ka ardhur dje me pushime në Durrës, por pak orë më pas është zhdukur. Ai ka dalë nga hoteli dhe nuk është kthyer më.
Skënder Rama 55 vjeç, banues në Kosovë, ditën e djeshme ka ardhur me pushime në Durrës (një grup shoferësh, 44 veta) dhe rreth orës 19 : 00 ka dalë nga hoteli ku ishin akomoduar të gjithë pushuesit, në afësi të Shkëmbit të Kavajës dhe nuk është kthyer më.
Është rreth 1, 75 cm i gjatë, i dobët dhe ka të veshur një këmishë të bardhë dhe xhinse të zeza. Në rast identifikimi të tij, jeni të lutur të telefononi në numrin 0694110217.
