‘Miss Grande Kosova’ që nga sot nuk është më Bernadeta Anna Nikollbibaj, por Songyl Meniqi.
Ky ndërrim i miseve ka ndodhur sot dhe arsyeja është e ngjashme me atë që po ndodh në çdo ‘biznes’ tjetër në Kosovë.
Producenti i ‘Miss Grande Kosova’, Sherif Pacolli, ka lajmëruar se që nga sot Bernadeta nuk është më ajo, e cila do ta përfaqësojë Kosovën, pasi kurora i është dhënë shoqërueses së parë, Songyl Meniqi.
Ky vendim, sipas Pacollit, është marrë, pasi ajo nuk ka qenë e denjë për ta përfaqësuar Kosovën, e gjithashtu “për shkak të sjelljeve të pa disiplinuara, fyerjeve dhe uljes së imazhit ndaj produksionit”.
Por është Bernadeta ajo, që ka lajmëruar se pikërisht producenti është ai, që i ka kërkuar t’i paguhen 20 mijë euro, nëse ajo do që të shkojë në Myanmar.
Sipas saj, ai madje e ka kërcënuar vajzën nga Zvicra, se nëse nuk i paguhet kjo shumë, do t’i largohet titulli dhe do t’i merret kurora.
Dhe kjo siç duket edhe ka ndodhur!