Koka të kthyera pas, si rrallëherë dukesha e Sussex arriti të merrte vëmendjen e të gjithëve më këmbët e saj elegante në një angazhim publik në Londër, këtë javë. Meghan Markle ra në sy me fustanin e saj tejet të shkurtër dhe u komentua gjerësisht nga mediat që kishte thyer protokollin e familjes mbretërore.
Si duket ajo iu rikthye edhe njëher veshjeve të saj, para se të bëhej pjesë e familjes Mbretërore, gjë që u detyrua t’i linte pas martesës së saj në familjen mbretërore. Markle për një kohë të gjatë ndoqi rreptësisht protokollin mbretëror, me veshje të mbyllura dhe të gjata.
Fustani i saj kushtonte rreth 327 dollarë dhe ishte stiluar nga projektuesit kanadezë Judith & Charles. Dhe padyshim, që ajo dukej absolutisht mahnitëse.
Por Markle, nuk është e vetmja anëtarja e familjes mbretërore që vishet provokuese.
Madje edhe vetë mbretëresha guxoi të vishte të shkurtra gjatë viteve 60-70, ku të shkurtrat ishin në modë. Rezultati, siç mund të shihet nga fotografitë e kohës, ishte një sukses.
Mbretëresha, si të gjitha anëtarët femra të familjes së saj, ishte e bekuar me këmbë elegante dhe të holla. E njëjta gjë mund të thuhet edhe për motrën e saj, Princeshën Margaret, një ikonë mode në atë kohë. Por edhe Princesha Ana, kur ishte adoleshente i pëlqente veshjet e shkurtra dhe të guximshme.
Por ajo që njihet për thyerjen e veshjeve dhe protokolleve është Princesha Diana, e cila pas divorcit me Princin Charles në vitin 1996, ajo filloi të vishte të shkurtra si mesazh i emancipimit të saj.
Diana stilit të saj i shtoi edhe takat dhe punoi shumë me trupin e saj në palestër me ndihmën edhe të dashurit të saj anglez Will Carling. Para Markle, Diana ishte anëtarja më e kritikuar në Familjen Mbretërore.