Të paktën 18 vetë vdiqën dhe 19 të tjerë u plagosën nga një zjarr i frikshëm që shkrumboi një hotel në qytetin Harbin të Kinës. Zjarri shpërtheu në një vendpushim në zonën turistike të Sun Island.
Nuk janë ende të qarta shkaqet e zjarrit, por dyshohet se flakët janë përhapur prej mungesës së masave të sigurisë brenda hotelit.
Flakët e dogjën të gjithë ndërtesën katër katëshe. Zjarri ra rreth orës 04:30 me atë lokale dhe u deshën më shumë se tre orë për ta fikur në një operacion ku morën pjesë njëqind zjarrfikës dhe 30 automjete.
Sipas departamentit provincial të zjarrfikësve, 16 vetë u gjetën të vdekur në hotel, ndërsa dy të tjerë vdiqën në spital.