Jo më larg se mbrëmja e djeshme, Monika Kryemadhi nga kampi i LRI-së në Jalë paralajmëroi një shtator të nxehtë politik, madje “përvëlues” me protesta për të shprehur kundërshtinë ndaj qeverisë së drejtuar nga kryeministri Edi Rama.
“Duhet të ringjallim shpresën, po eliminohet popullsia shqiptare”, ishte mesazhi i fortë i kryetares së LSI dhe thirrjen duket se ja kanë dëgjuar të parët ata me të cilët kaloi një javë në Jalë, të rinjtë e partisë së saj, të cilët sot kanë publikuar “himnin e betejës” me Ramën.
Himnin e tyre që i bën thirrje popullit të zgjohet dhe t’i tregojë derën piktorit të jeshiles, anëtarët e LRI-së e kanë titulluar “Marshi i rinisë shqiptare”.
Marshi i LRI:
Çohuni djem o edhe vajza
se rinia është e para
mbas BURRNESHES shkoni te gjithë
ta rrëzojmë këtë qeveri.
Shiten det e falën toka
por Shqipëria është e jona.
Në dorë të piktorit slihet vendi, ai nuk është një burrë shteti
Çohuni djem o edhe vajza se rinia është e para
O piktor i jeshiles
shite shokët për karrige
Saje qorri ku je ti?
Edi Rama të shiti ty.
Nuk shef arsim ne vendin tone shef veç parcela me droge.
Shqipëri moj sa durove? Koncesionet s’po mbarojnë
Taksa këtej, taksa andej
ky piktori po na rrjep
Çohuni burra çohuni gra
gjithë rinia ne na la
Thonë te ardhme këtu nuk gjejnë
mafie këtej mafie andej
Shqipëri moj zonjë e rëndë
ku do të shkojë ky halli jot
ne nuk ikim nuk të lëmë
Piktori këtu nuk ka vend
të iki ai nga vendi jonë
është e jona Shqipëria mëmë
