Legjenda e Manchester Unitedit, Wayne Rooney, e konsideron Lionel Messin si lojtarin më të mirë në histori të futbollit, ndërsa mendon se Cristiano Ronaldo vjen menjëherë pas tij.
Sulmuesi i DC Unitedit kishte luajtur së bashku me Ronaldon për pesë sezone, para se portugezi të largohej në vitin 2009 për t’iu bashkuar skuadrës së Real Madridit.
Rooney, 32-vjeçar, është transferuar në klubin amerikan DC United pasi nuk u tregua i suksesshëm me Evertonin sezonin e kaluar. Ndërsa, Ronaldo, 33-vjeçar, u transferua në Juventus për 105.3 milionë euro dhe është favoriti për të fituar Topin e Artë.
“Po, mendoj se e kam thënë këtë edhe më herët, por ata janë dy lojtarët më të mirë që kanë luajtur futboll ndonjëherë”, ka thënë Rooney.
“Por, sinqerisht në sytë e mi, Messi është thjesht lojtari më i mirë në histori të futbollit”.
Të hënën, UEFA e bëri publike listën e ngushtë prej tre kandidatëve për çmimin Lojtari më i Mirë i Vitit i UEFA-s për sezonin që lamë pas, 2017/18, me Lionel Messin që ka mbetur jashtë saj. Tre kandidatët për këtë çmim janë Luka Modrici, Cristiano Ronaldo dhe Mohamed Salah.