Antoino Candreva është i vendosur të qëndrojë dhe të luftojë për një vend në Inter, edhe nëse lihet jashtë skuadrës për Ligën e Kampionëve.
Përfaqësuesi italian duket të jetë i tepërt në Inter dhe i ishte ofruar Monacos në fillim të këtij muaji, por kishte hedhur poshtë kalimin në Francë.
Afati kalimtar veror është ende i hapur në Francë, Spanjë dhe Gjermani, por Candreva nuk dëshiron të largohet nga Interi, sipas FCInterNews.
Me zikaltrit të përfshirë në tri gara këtë sezon, ish-anësori i Lazios është i bindur se mund të luftojë për një vend në skuadrën e Luciano Spallettit.
Candreva pritet të lihet jashtë listës së Interit për Ligën e Kampionëve, por duket se as kjo nuk do të ndikojë në vendimin e tij për të mos u larguar.