MTV Video Music Awards 2018 u mbajt mbrëmjen e së hënës (20 gusht) në Radio City Music Hall në New York.
Camila Cabello mori dy çmime të mëdha, “Video e vitit” për këngën “Havana” dhe “Artistja e vitit”.
Ndërkohë që Childish Gambino mori tre çmime për “This Is America”, duke përfshirë “Videon më e mirë me një mesazh”.
Midis fituesve ishte edhe këngëtarja me origjinë shqiptare Rita Ora, e cila arriti të rrëmbejë çmimin “Best Dance Video”.
Po ashtu, ajo në Instagram Story e feston këtë çmim duke e bërë simbolin e shqiponjës me duar.
Këngëtarja me prejardhje nga Prishtina, me famë ndërkombëtare, bëhet shqiptarja e parë që fiton një çmim nga MTV’ja, shkruan Gazeta Express.
Këtë fakt e ka përmendur dhe i është gëzuar edhe artistja tjetër me prejardhje shqiptare, njëherë mikja e Oras, Bebe Rexha, në Instastory.
