Stormi Scott, vajza 6 muajshe e Kylie Jenner dhe Travis Scott, që tani po rrëmben vëmendjen e mediave – si një Kardashian e vërtetë! Vogëlushja që ende nuk është e aftë të thotë fjalët e para apo të ecë, është akuzuar nga reperja Nicki Minaj për diçka komplet qesharake.
Sipas ‘Mbretëreshës së Rrepit’, është faji i Stormit që albumi i Nickit nuk është në vendin e parë. Albumi i sapolançuar i artistes, “Queen”, mban vendin e dytë në Billboard, ndërsa të parin e mban për të dytën javë rrjesht, “Astroworld” e Travis Scott – babai i Stormit.
Nicki ja vuri fajin platformës së muzikës Spotify, marketimit të Travis Scott dhe taktikave të promovimit të Kylie Jenner.
Artistja akuzon Travis Scott se ai po manipulon klasifikimin, pasi po shet edhe bileta turi dhe rroba përveç albumit. Billboard i rendit artistët sipas fitimeve, ndaj Nicki thotë se ky rregull duhet ndryshuar menjëherë. Sipas saj, nëse do të llogariteshin vetëm shitjet nga albumet dhe jo të biletave dhe rrobave, Queen do të ishte në vend të parë.
Gjatë vrullit të akuzave, Nicki publikon në Twitter edhe një foto të Kylie Jenner dhe Stormit që më parë ylli i rrjeteve sociale e kishte postuar në Instagram me përshkrimin “Une dhe Stormi jemi gati për tur.”
“Kam punuar e gjak edhe me djersë për këtë album, dhe gjithçka prishet sepse Travis përdor Kylie Jenner për të shitur bileta, duke i thënë ndjekësve në Instagram të shkojnë të shohin atë dhe Stormin në tur. Po qesh me të madhe,” shkruan Minaj në Twitter.
Më vonë ajo u ankua edhe për Spotify, sepse platforma ka promovuar albumin e Drake “Scorpion” shumë më shumë se ç’po promovon të sajin. Ajo sqaroi se i gjithë ky “inat” ishte sarkazëm dhe humor, por ndërkohë rrjeti social Twitter kishte filluar tashmë të tallej me faktin që Nicki ja vuri fajin një vajze 6 muajshe që albumi s’është në vend të parë./Opinion.al