Drejtoria e Përgjithshme e Tatimeve njofton se gjatë periudhës 28 maj deri me 12 gusht ka evidentuar 443 tatimpagues me punonjës të padeklaruar në skemën e kontributeve të sigurimeve shoqërore e shëndetësore në zonat turistike.
“Si pasojë e masave që u morën nga Administrata Tatimore rezulton se 2,792 punonjës u përfshinë në skemën e kontributeve të sigurimeve shoqërore dhe shëndetësore, për periudhën e marrë në analizë” njoftojnë Tatimet. Në total vlera e shkeljeve për punonjësit e padeklaruar, për këta tatimpagues, është rreth 42.2 milionë lekë.
Në fund të njoftimit, Drejtoria e Përgjithshme e Tatimeve i bën thirrje tatimpaguesit që të respektojnë detyrimet e tyre ligjore, ndërsa fton çdo të punësuar mund të denoncojë rastet e mospagesave të kontributeve për punën e kryer.
