Më shumë se 350 media amerikane do të botojnë sot editoriale që do të kundërshtojnë sulmet e presidentit Donald Trump ndaj shtypit të lirë, pas nje thirrjeje nga ”Boston Globe” për një fushatë mbarëkombëtare.
Trump shpesh i përshkruan artikujt që e kritikojnë atë ose publikojnë informacione denigruese për të si “lajme të rreme” (fake news) dhe e ka cilësuar median si “armikun e popullit” në shumë raste.
“Zëvendësimi i medias së lirë me media që kontrollohet nga shteti ka qenë gjithmonë gjëja e parë që biznesi i kërkon çdo regjimi të korruptuar që vjen në pushtet”, shkruan ”The Globe”.
”New York Times”, që si shumë media ka publikuar sot disa editoriale, tha se “të këmbëngulësh që të vërtetat që nuk të pëlqejnë janë ‘lajme të rreme’ përbën rrezik për jetën e demokracisë”.
“Dhe t’i quash gazetarët ‘armiq të popullit’ është po aq e rrezikshme” thuhet në të.
Në fillim të këtij muaji, zëdhënësja e Shtëpisë së Bardhë Sarah Sanders nuk pranoi të prononcohej nëse ajo besonte se mediat e lajmeve ishin armiku i popullit.
Media vazhdon të shtojë sulmet verbale ndaj presidentit dhe te tjerëve në administratë. Dhe sigurisht që ne kemi një rol për të luajtur, ndërsa media duhet të luajë rolin e saj në debatin që zhvillohet në këtë vend, tha ajo.
Pavarësisht kësaj, vajza e Trump, Ivanka Trump, nuk ka të njëjtën pikëpamje me babain e saj.
“Jo. Nuk mendoj se media është armik i popullit,” shprehet ajo në një intervistë.
