Kamza është tronditur gjatë orëve të para të mëngjesit kur persona ende të paidentifikuar kanë hedhur eksploziv në oborrin e banesës së shtetasit Sh. H.
Autorët nuk janë mjaftuar me kaq por kanë qëlluar dhe me breshëri plumbash drejt saj.
Policia informon se ngjarja u shënua rreth orës 02:07 minuta të së martës (14 gusht) në rrugën “Bulevardi Blu”, në Kamëz.
Nga shpërthimi janë dëmtuar dy makinat e parkuara në oborrin e banesës së Shkëlqim Halilit.
Në banesë ndodhej familja Halili, të cilët janë shprehur se nuk kanë konflikte me njeri dhe nuk e dinë kush mund të jetë autor i sulmit.
Ndërkohë Shkëlqim Halili rezulton person me precendentë penal.
“Më datë 14.08.2018, rreth orës 02:07, në rrugën “Bulevardi Blu”, në Kamëz, në oborrin e banesës së shtetasit Sh. H., është hedhur një sasi lënde plasëse e cila ka shpërthyer duke shkaktuar vetëm dëme materiale në dy mjetet e parkuara në oborrin e banesës. Gjithashtu autorët kanë qëlluar me armë zjarri në drejtim të banesës” informoi sot në mëngjes policia e Tiranës
Ne Fushe Kruje gjendet makine e djegur
Policia gjithashtu ka gjetur në Fushë Krujë dhe një makinë të djegur. Brenda saj janë gjetur dy armë zjarri.
Dyshohet se makina e djegur mund të jetë e autorëev që kanë hedhur eksplozivin në drejtim të banesës në Kamzë
:Në vijim të informacionit të dhëne më parë për ngjarjen e ndodhur në Kamëz ku është qëlluar me armë zjarri në drejtim të banesës së shtetasit Sh. H., si dhe është hedhur një sasi lëndë plasëse, në Fushë Krujë është gjetur një mjet i djegur tip “Fuoristradë”, ku në brendësi të mjetit janë gjetur dy armë zjarri tip “Kallashnikov”, të cilat dyshohet se janë përdorur nga autorët në lidhje me ngjarjen e ndodhur.”
Grupi hetimor po punon për zbardhjen e plotë të rrethanave të ngjarjes, identifikimin dhe kapjen e autorit/ve.
