Dua Lipa është nisur për të dhënë një ndër koncertet më të rëndësishme në karrierën e saj, atë të “Sunny Hill” në Kosovë.
Para se të mbërrijë ajo ka publikuar një video për të gjithë shqiptarët, të cilët thotë se mezi pret t’i shohë sonte.
Videoja është e gjitha në shqip, dhe kjo është hera e parë që Dua publikon një video duke folur në gjuhën shqipe.
Ajo madje shprehet se duhet ta perfeksionojë gjuhën pasi e kupton edhe vetë që nuk e flet siç duhet.
“Pasi e pashë disa herë para se ta postoja, kuptova që duhet të punoj pak më shumë me shqipen, ‘Menxi po pres!’, haha Ju dua!”, shkruan ajo me humor në video.
