Giuseppe Conte, kryeministri italian ka vizituar sot të plagosurit e shpërthimit të ndodhur dje në autostradën e Bolonjës si dhe ka vizituar me helikopter vendin ku është rrëzuar ura në autostradë.
“Ajo çfarë duhet të bëjmë gjithmonë është të kemi kujdes standardet e sigurisë, kjo vlen dhe për transportin në rrugë, atë hekurudhor dhe transportin e të gjitha niveleve” u shpreh kryeministri, Giuseppe Conte duke folur dhe për ndërhyrje në Kodin Rrugor .
Shpërthimi ishte aq i forte sa shtëllungat e zjarrit dukeshin nga të gjitha anët e Bolonjas. Si pasojë e shpërthimit edhe disa makina janë përfshirë nga flakët.
Autostrada e Casalekios është bllokuar nga të dy anët dhe në vendngjarje ndodhen një numër i madh ambulancash.
Zjarrfikës të shumtë kanë ndërhyrë, ndërsa në ndihmë është thirrur edhe një helikopter për të frenuar përhapjen e flakëve.